Ira’s day :)


Ira’s day🙂

Sino ba si Ira?

Si Ira ay pamangkin ko. Siya ang ikalawang anak na ate Oya ko. Ipinanganak siya noong Ika-25 ng Agosto, 2002.

Si Ira ay makulit, maarte, mapili sa pagkain, karaniwan madamot pero cute at mapormang bata.

Pitong taon na siya ngayon.

Kinalakihan ko na ang tradisyon sa aming pamilya na kapag may isang batang sumasapit ng pitong taong gulang, karaniwang pinaghahandaan. Noong nag-pitong taong gulang ako, sa iskul pa nga ako naghanda eh. Ang saya ko nga eh. Pero teka hindi tungkol sakin itong post na ito. Sabi ni ate Oya, hindi daw nakapaghanda si Ira kasi hindi siya nakapagrenew dun sa 5-6 nya. Kaya sabi ng mama ko, ipasyal ko daw si Ira para sumaya naman ung bata.

Noong August 30, 2009, ipinasya kong ipasyal ang pamangkin kong si Ira. Nagpunta kami sa SM North Edsa at Trinoma.

Una naming ginawa ay bumili ng rubbershoes nya sa may SM Department Store. Grabe, bata pa lang siya, may kaartehan nang taglay. Napakatagal pumili ng rubbershoes. Halos ikutin na ata naming ung buong department store sa paghahanap ng sapatos nya. Anyways, after 20 years, nakahanap din kami ng shoes na nagustuhan nya. Naku, buti na lang sale ung nakuha nya, kasi kulang-kulang 1 libo ung napili nyang shoes. Grabe. Butas ang bulsa ko. Hahahaha. Pero naisip ko, masaya naman ang pamangkin ko kaya okay lang.

Pagkatapos nun, napadaan kami sa kids section na puro damit, naku, hindi ko na napigilan ung pamangkin ko at nagtingin ng damit. Kaya ayun, natagpuan ko na lang ang sarili ko na nagbabayad sa cashier ng color pink (kikay talaga sya) na damit ni Ira.

Dahil medyo matagal din kaming nag-ikot sa department store, ginutom kami pareho. Sabi ko “Ira, san mo gusto kumain”, buong giliw nyang sinabi ang “Jolibee!”. Jolibee ang paborito niyang kainan, kaya aun, dun kami ulit. Ewan ko ba, basta pag lumalabas kami ni Ira, matik na Jolibee ang sagot nya.

My Niece Ira and I :)

My Niece Ira and I🙂

Dapat, uuwi na kami after naming kumain si Jolibee. Un ang plano ko dahil wala na akong pera at medyo hapon na nun. Pero si Ira hyper pa din kaya aun, nag-ikot kami ulit.

Sabi ni Ira, gusto niya ng coloring book at bagong crayola, eh sakto, 60 pesos na lang ata ang pera ko sa wallet, kaya nagpunta tuloy kaming trinoma para makapagwithdraw ako.

si ira sa tabi ng fountain. :)

si ira sa tabi ng fountain.🙂

May sale ng coloring book sa Trinoma kaso walang nagustuhan si Ira kaya bumalik kami sa SM North para balikan ung coloring book na una niyang nakita. Dahil alam ni Ira na may pera na kami ulit, pulot dito, pili doon ang inatupag sa national. Grabe talaga. Natawa na lang ako kasi parang gusto niya lahat bilhin ung mga coloring book sa shelves sa may national. Ganun din kasi ako nung bata, lahat gusto, lahat dapat mabili. Pero dahil limited budget, 2 coloring book lang ang nabili ko, pero all smiles pa din si Ira kasi dami nyang bagong gamit. Ang mga bata nga naman.

Umuwi na din kami sa wakas. Hinatid ko muna si Ira sa kanila at pagdating namin sa manggahan, mega kwento talaga si Ira kay ate. Parang walang bukas.

Pauwi na ako nang magtext si mama para kumustahin ang lakad naming ni Ira. Sabi ko magastos. Natawa na lang si mama.

Pagod akong umuwi sa bahay namin. Pero sa kabila nun, Masaya pa din kasi napasaya ko ang pamangkin ko. Sabi ko sa kanya sa susunod, hindi ko siya maisasama kasi ung kapatid naman niyang si Alyssa ang isasama ko. Pero sabi ni Ira okay lang daw. Buti na lang. Ang hirap kayang pumasyal nang dala-dalawang bata ang kasama. hehehehe:)

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s