Malas at Swerte


Malas at Swerte

Karaniwang bukambibig ng maraming tao ang dalawang salitang ito.

Ako din. Gamit na gamit ko ang salitang malas at swerte.

Kapag badtrip ako sa buhay, wala kang maririnig sakin kundi “Ang malas ko talagang nilalang!”.

At kapag medyo high at masaya ako, ang karaniwan kong sinasabi ay “Ang swerte ko talagang tao!”.

Ironic but true.

Malas ako in the sense na swerte ang ibang tao.

At swerte ako in a way na malas ang ibang nilalang sa ibang aspeto.

– Malas ako dahil lumaki ako sa isang semi-dysfunctional na pamilya.

– Swerte ako dahil mas matatag at mas malakas (parang nag-eendorse lang ng produkto ah) ako dulot ng mga malungkot na karanasan.

– Malas ako dahil may ama akong tulad ni Hitler. Malala siyang emotero at lasinggero. Sakit sa ulo at mahilig manakit ng tao.

– Swerte ako dahil sa kabila ng katotohanang may ama akong gaya ni Hitler, may mama naman akong simbait ng pinakamabait na tao sa mundo. (bawal umangal, mama ko un eh). Minsan nga sa kabaitan, gusto ko siyang pagawaan ng monumento katabi ng sikat na bayani na kilala ko.

– Malas ako dahil pinagkalooban ako ng malapad na noo, malaking mata, buhok na parang alambre sa tekstura, balat na hindi kakinisan at hind pantay ang kulay, malaking paa na hindi proportion sa maliit kong pigura, at height na 9-2 (nahinto).

– Swerte ako dahil sa kabila ng kalaparan ng noo ko, may medyo matinong utak na nakatago, bagama’t may buhok akong mala-alambre, matibay naman ito at makapal, balat na hindi kagandahan pero aus na din kesa walang balat, malaking paa pero at least hindi super laki, at height na nahinto pero at least cute naman akong tingnan dahil may kaliitan ako. (bawal ulit umangal, blog ko ito eh)

– Malas ako kasi may pang-asar akong boses na nakakaloko. Boses na hindi mo seseryosohin kapag narinig mo sa telepono.

– Swerte ako kasi kahit pang-asar karaniwan ang boses kong maliit, asa tono naman ako kumanta kahit hindi kataasan ang boses ko. Tsaka isa pa, dahil dito sa boses ko kaya hindi ako napunta sa department na may calls. (Natatandaan ko pa ang comment ng training supervisor nun nung marinig nya ang boses ko, “Do we have a 10 year old here?”) Sakto. Sa Chat department ang bagsak ko. Yehey!

– Malas ako kasi karaniwang mabagal magprocess ang utak ko, ung tipong kailangan mong ulit-ulitin ang mga bagay-bagay bago mag-sink in sa pagkatao ko.

– Swerte ako dahil kahit slow ako, may nagsabi sakin na mataba ang utak ko. Ang kaso hindi ko alam kung paano ung nangyari. Hehehe.

– Malas ako kasi lagi akong at loss sa mga pangyayari, parang lumulutang. Laging no comment ang drama dahil hindi ko alam ang dapat sabihin sa mga pagkakataon at pangyayari.

– Sa kabilang dako, swerte ako dahil ligtas ako sa intriga. Either nababaitan ung iba sakin kaya hindi ako masyado iniintriga or wala silang paki, or hindi ko lang alam ung sinasabi nila tungkol sakin (we can never can tell, pero sabagay, keber lang, demokratikong bansa eh.)

– Malas ako dahil lapitin ako ng mga bully. Hindi ko alam kung nakalagay ba sa malapad kong noon a “ibully nyo ako, sige na please, ibully nyo ako”.

– On the other hand, swerte pa din ako, kasi may mga nabubully din ako. Hahaha.

– Malas ako, dahil alam kong maraming tao ang either asar sakin, tingin sakin boring, or worst, non-existing.

– Pero teka, swerte pa din ako dahil madaming kumikilala sa kakayahan ko bilang tao, tsaka hindi man super dami ang fans ko, alam kong lahat ng nagsasabing mahal nla ako, mahal nila akong totoo.

Dahil madami pa akong naiisip na kamalasan at kaswertehan, nagpagpasyahan kong tapusin na. Una, dahil nakakapagod mag-isip at ikalawa, nakakapagod magtype.

Alam kong madami din kayong kamalasan at kaswertehan sa buhay.

Ang masasabi ko lang. Ganun talaga yun.

Malay nyo, kung malas kayo ngayon, malas pa din kayo bukas. Tapos sa makalawa, swertihin kayo.

Hindi mo rin masasabi. 

4 thoughts on “Malas at Swerte

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s